Самоевалуација

1. Вовед во самоевалуацијата на училиштето

Самоевалуацијата на училиштето е процес на систематско и континуирано следење,анализирање и вреднување на оствареното со единствена цел унапредување и обезбедување квалитет во работата на училиштето. Во постапката на самоевалуацијата на училиштето се бара одговор на три клучни прашања :

• Колку е добро нашето училиште?

• Како го знаеме тоа?

• Што може да направиме да бидеме подобри?

Одговорите на овие прашања мора да се темелат на објективни и релевантни податоци како и на реални увиди во функционирањето на училиштето.

1.1. Цели на самоевалуацијата:

• Структуирање на внатрешен училишен систем  за следење, оценување и унапредување на работата.

Ефективно и ефикасно раководење на Директорот со училиштето.

• Вклучување во развојниот процес на училиштето на сите субјекти: директор, наставници, ученици, родители, локалната и деловната заедница и во воспитно-образовниот систем.

• Обезбедува поголема самостојност, одговорност и иновативност во училиштето.

• Преземање мерки за поефикасно и поквалитетно учење, а со тоа и постигнување подобри резултати.

• Детектирање на слабите страни и проблемите со кои се соочува училиштето и нивно надминување.
• Зголемување на надворешното влијание врз училиштето и сите субјекти вклучени во неговата работа, севкупната образовна политика преку јасна артикулација од потребата за развој на училиштето.

• дефинирање и следење на мерливи индикатори и критериуми за вреднување на квалитетот на образовно-воспитниот процес во училиштето.

• Процесот на самоевалуација е комплексен, тој е составен од повеќе фази и активности со примена на различни методи и техники со цел создавање единствени критериуми.